Alhamdulillah, teu karasa bulan ramadhan geus ninggalkeun urang. Mugia sagala amal ibadah urang sajero ning bulan ramadhan kamari katampi ku Mantenna. DIjadikeun amal kahadean nu bakal marengan urang jaga di yaumil kubur.
Kacida kurangna mun dirarasakeun mah amalan-amalan nu bisa kagawean salila ramadhan kamari teh. Puasana teu jucung, tarawehna loba nu kaliwat, tadarusna teu rengse, jeung masih we diri teh migawe lampah nu jelas-jelas mangrupakeun dosa.
Mugia Gusti nu Maha Suci masih keneh maparinan kasempetan ka kuring pikeun ngarasakeun deui ramadhan taun payun. Mudah-mudahan dina ramadhan payun mah bisa langkung ngamanfaatkeun kasempetan pikeun ngadeuheus ka Mantenna, neda pangampura tina sagala dosa. Amiin
Wilujeng boboran syiam 1427 H
Pileuleuyan Ramadhan, mudah-mudahan urang paamprok deui.
No comments:
Post a Comment